Online freelance jobs aur earning krne ke bahut se tarike hai . Agar ek new tarike ke baat kare to log online NFT ( Non fungible token ) create krke aur sell krke online bahut acche paise kama rahe hai . NFT images se linked business hai jisme ap apni ek created image ko secure krke online NFT marketplace par sell krte hai aur uska apko dollars me ya kisi aur currency me accha price offer hota hai . Isme apko artisitic aur creative hona jruri hota hai . Images se hone wali income par based ek aur website hai jis se ap online images sell krke paise kama skte hai wo hai Imagesbazaar Indian picture selling website .
Imagesbazaar online pexels aur pixabay ke concept se bnayi gayi hai jisme targeted product hai Indian pictures or images ko sell krna . Is website par log apne daily captured moments , special moments , special images , technological ya creative images sab upload krke kisi price point par sell kr rahe hai . Online images selling ek aisi freelance work hai jisme ap bina investment ke earning kr skte hai .
Agar ap janna chahte hai ki kaise ap Imagesbazaar online indian image sharing website se paise kama skte hai to is article ko dhyaan se padhiyega.
Imagesbazaar kya hai ?
Imagesbazaar online Indian image sharing website hai jis par Indians as a user Indian images ko download kr skte hai aur us images ko apne website , commercial projects ya online kisi bhi project me use kr skte hai . Is website par free se lekar high cost par stock images milti hai .
Imagesbazaar image stock website hai jis par online indian sellers , freelancers , normal users sabhi tarah ke image creators or users register krte hai aur Indian images of different occassions , situations download krke use kr skte hai . Is website par creators ko images create krne , edit krne aur upload krne ke liye bhi paise diye jaate hai .
Ye ek Indian Image niche based website hai jisme har situation ke liye apko pictures mil jati hai aur ap apne projects jaise website , mobile app , greeting card , wedding cards , brochures etc ke liye un pictures ko use kr skte hai .
Imagesbazaar website par apko kya kam krna hota hai ?
Imagesbazaar ek royalty based image sharing website hai jisme image create krne aur upload krne ke bad jab b wo image sale hoti hai to uski payment image ke creator ko dedi jaati hai . Imagesbazaar pe high quality se lekar low quality images or har situation ke liye according to specific category sabhi stock images mil jati hai . Is website par kam krne ke liye freelancer ya fulltime individuals or agencies apne image collection ko upload kr skte hai .
Imagesbazaar par freelancers :
- Images create krke paise kamate hai .
- Images sell krke paise kamate hai .
- Images edit krke upload krke paise kamate hai
- Royalty income ke liye apply krte hai .
- Image credits se income krte hai etc .
Is website par kam krna bahut asan hai , jyadatar is website par prefer kia jata hai self created or captured images jise ap online bech sake . Agar ap copied images use krte hai to apka account BAN ya suspend bhi kia ja skta hai .
Imagesbazaar website par register kaise krna hai ?
Imagesbazaar online Indian image sharing website hai to isliye is par as a creator sirf Indians register kr skte hai . Sath hi website ke owner ka kehna hai ki is website par images share krke sale ki ja skti hai aur registration ke liye koi b Indian user is website par account create kr skta hai .
Imagesbazaar par ap as an individual or as a business owner bhi register kr skte hai . Agar ap as an Individual or as a business owner / company register krte hai to apko website ka ye sign up process follow krna hoga :
- Go to official web portal of Imagesbazaar .
- Click on Registration
- Enter name and all details ( Company name for business owners )
- Enter Email and Mobile Number
- Click Submit .
After submission , ap apni email aur apne mobile number par bheje gaye reference ya OTP ko dale aur apna account verify kr len . Account verify hone ke bad ap website par apni profile create kr skte hai jisme apko as a creator details fill krni hai aur ap uploading ka kam shuru kr skte hai.
Imagesbazaar par kis tarike ka content create krna jruri hai ?
Imagesbazaar me first and foremost content requirement hai high quality images ki . Agar ap creative images bana skte hai , photography krte hai , photowork , image editing , image copyrighting krte hai ya NFTs create krte hai to ap un images ko is website par upload kr skte hai . Images ko lekar website par kuch criteria follow krna hota hai :
- Upload ki gai image kam se kam 12 megapixel ki honi chahiye with 2:3 ratio aur 12×18 inches .
- Content koi copied work nahi hona chahiye aur self created images hona chahiye .
- Agar images par copyright registered hai to wo bhi website par upload krke bhej skte hai.
- Image ki color quality extreme high honi chahiye upto level 12.
- Trace ki gayi illustration me ap apna nam mention krke bhi upload kr skte hai .
- Images me Indian brands ya foreign brands ka logo display nahi hona chahiye jaise Sony or Samsung logo etc .
- Adult content or use of drugs or alcohol images are not accepted .
To agar ap in sab criteria ko follow krke images create or sell krte hai to ap is online indian image marketplace se acchi income kr skte hai .
Imagesbazaar par royalty income kaise hoti hai ?
Imagesbazaar me ap upload ki hui images ka one time sale price rakh skte hai aur agar wo images kai aur use ki gayi hai imagesbazaar se download hokar to ap imagesbazaar se ya dusre user venture se us images ki royalty claim kr skte hai .
Royalty ka mtlb hota hai ki ap apni created image par commission le skte hai . Aur ye commission apko lifetime milti hai jb tk wo image online use hoti hai . To ap kisi bhi self created image se Imagebazaar se royalty income kr skte hai .
Agar ap Imagesbazaar online Indian image sharing website jaise or bhi website se income krna chahte hai to ap hame niche comment section me comment krke bta skte hai .