India me Rice import or procurement ko lekar bahut se business proposals ate rehte hai . Har saal India me se Haryana or Punjab jaise states se sbse jyada Rice export kiya jata hai aur iski domestic demand ki baat kare to sbse jyada Tamil Nadu or Karnataka me ise consume kiya jata hai . Wheat business ke bad Rice business sbse jyada demand me rehne wala business hai jisme agar profit margins or sales revenue ki baat kare to isme crores me kisi bhi business ki turnover apko dekhne ko milti hai . Jo log bhi ek naya business shuru krne ke baare me sochte hai unke liye Rice export or selling business ek first to grab opportunity business hai jisme wo export plus wholesale business kr skte hai .
Rice ek essential food hai jo nature me 15 se jyada variety me sale kiya jata hai . Jaha iski demand domestically metric tonnes me hoti hai wahi par iski demand foreign me bhi bahut jyada hoti hai . Foreign business ko agar capture kare to Dhan / Rice business foreign market ke liye ek best business opprtunity hai kyoki India me jyadatar logo ko export policies or export procedures ke baare me nahi pata hota aur foreign currency me sale krne par acchi commission income bhi generate ki ja skti hai.
Agar ap Dhan / Rice Business ke baare me jyada information lena chahte hai to apke liye is article me sb kuch acche se explain kiya gaya hai .
Online Rice Business me competition or Market ?
Rice Business me agar domestic market ko analyse kiya jaaye to apko local competition bahut kam dekhne ko milta hai par uske compared me apko uski demand bhi bahut kam milti hai . Wahi par agar ap Rice business or rice related products ki demand online or international markets me dekhe to sbse jyada demand apko foreign markets me milti hai jaha par rice bran oil , rice based breads or rice baked biscuits jaise products high demand me hone ki wajah se inki sales foreign markets me sbse jyada hoti hai .
Foreign market ko capture krne ke liye bahut se export houses phle se India me Rice export business ko operate krte hai lekin demand ke according or government policies ke according kam krne wale venture India me bahut kam hai .Iska main reason hai problems related to language or government policies jiske liye ek legal consultant ki help lena bahut jruri hota hai .
Online Rice Business abhi bhi ek underrated business category hai jiske baare me log abhi tak acche research nahi kar paye hai aur according to demand supply abhi bhi foreign markets me bahut jyada hai . Is se sabhi new entrepreneurs ke liye hmesha ek opportunity built rehti hai ki wo Rice export or Rice procurement ka business digitally kare .
Online Rice Business ke liye minimum kitni investment chahiye ?
Dhan /Rice Business krne ke liye sbse phli apki requirement hoti hai aise Rice sellers ko dhundna jo direct farms se rice procure krke apko provide kare ya phir ap direct farmers ko approach kr skte hai Rice ki alag alag variety ko purchase krne ke liye . Agar apke pas land area hai aur rice husking unit ya rice hustler unit hai to ap khud se bhi rice ko grow krke direct export ka kam shuru kr skte hai . Rice business ko shuru krne ke liye apko investment me in units or invesments par funds ki requirement hogi :
- About acres of land for rice growth and crops .
- Fertilizers for rice growth
- Rice husking units
- Rice storing units
- Rice packing units
- Rice business promotion agency hiring
- Labour
- Working capital needs
Overall agar ap manufacturing ke sath Rice business krna chahte hai to ap apko kam se kam Rs 10 to 15 crore ki requirement hoti hai aur agar ap rice exporting unit banate hai jisme ap rice packaging ke sath procure krte hai to uske liye apko kam se kam 1 to 2 crore ki requirement hoti hai . Isme apko export krne ke liye margin money , LUT money ke liye kuch additional funds ki requirement chahiye hoti hai .
Online Rice Business ke liye kya kya tools chahiye ?
Physically jaha apko ek physical rice business establish krne ke liye kam se kam 5 se 10 crore ki investment chahie wahi par ap apni digital rice procurement or liasoning agency sirf Rs 1 se 2 lakh ki investment me create kr skte hai . Liasoning agency ka mtlb hota hai commission agency jisme ap established rice sellers se rice quotations lekar apne clients ko forward krte hai aur rice export me seller ki bhi help krte hai . Isme apko acchi commission income per order mil jati hai .
Online Rice business ko krne ke liye apko kuch basic online tools or platforms ki jrurat pdti hai :
- Ek website platform
- Classified listing or Business listing platform
As a digital SEO agency or as a marketing agency bhi agar ap Rice business nahi krte hai to ap kisi bhi Rice firm or industry ka business foreign or domestic market me promote kr skte hai . Isme start krne ke liye ap Indiamart or Alibaba , exporterIndia jaise platforms ko target kr skte hai aur sales queries generate kr skte hai .
Rice Business ki marketing kaise kare ?
Kisi bhi naye business owner ke liye ye jruri hota hai ki wo apne brand ki value local market me establish kare jis se wo domestic market me success lene ke bad foreign market me bhi apne brand ko promote kr sake . For instance , Parle G ek India based brand hai jise locally brand establish krne me kam se kam 15 saal lage jiske bad aj Pargle G ke sabhi products foreign market me sale kiye jate hai . Rice Business marketing krne ke liye apko new techniques of business listing or online promotion methods ko adopt krna hoga jisme apko firstly sabhi networks ko target krna hai jaha par ap apna business list kr sake .
Rice business ke liye enquiries generate krne ke liye ap online apni presence ko ek website ki madad se establish kr skte hai jiske bad apko ye sab results driven or customer driven promotional activities krni chahiye :
- Listing business on classified websites
- Making Social media profiles
- Joining foreign business network or LinkedIn network
- Promoting business through PPC or Google Ads .
- Ensuring Email marketing to foreign clients
- For domestic requirements targeting e-stores
- Creating landing page promotions online
- Creating rice health blog/s online .
Aise ap apne business ke liye slowly or gradually queries generate kr skte hai . Sbse jruri hai ki ap apne business ke liye credibility generate kare or Rice business ko first State based , then nationally or uske bad internationally promote kare .
Also read : Whatsapp Marketing ka Business Kaise Kare – Start Online Whatsapp Marketing Agency
Online Rice Business ke liye kya kya license chahiye ?
Online Rice business ko kis scale par shuru krna hai is baat par depend krta hai ki ap usme kitni investment krna chahte hai ya kar skte hai . Agar ap ek small shop se Rice retail business krna chahte hai to uske liye apko GST registration , Shop Act registration / Gumasta license , FSSAI License or Business registration ki jrurat pdti hai , wahi agar ap apne business ko state to state borders par le jate hai to uske liye apko E-Way bill registration , trademarking ke liye trademark registration chahiye hota hai .
Lekin agar ap apne business ko internationally le jana chahte hai to apko foreign trade license , Import or export code license , Udyog Aadhaar registration , MSME Registration , SEZ Registration jaise kai saare registration lene pdte hai jo ki ap kisi bhi legal consultant ki madad se le skte hai .
Agar ap Rice business start krna chahte hai ya janna chahte hai Rice business ke liye apko kis kis registration ki jrurat hai to ap hame niche comment section me comment krke bta skte hai .